Meänkieli

Rikosestävästä raatista

Virasto Brå/ Rikosestävä raati toimii ette rikolisuus vähenee ja ette turvalisuus kasua yhtheiskunnassa. Sen met tehemä ottamalla esile faktaa ja levittämällä tietoa rikolisuuesta, rikosvastustamisesta ja rikosestämisestä työstä, ensi siassa hallitukselle ja virastoile oikeuslaitoksessa,

Yks tärkeä lähtökohta ruottalaisele kriminaalipolitiikale oon ette tehhä töitä ette estää ette rikoksia tapahtuu. Brå oon virasto joka toimii ette rikolisuus vähenee ja ette turvalisuus lissäintyy yhtheiskunnassa. Brå ottaa esile faktaa ja levittää tietoa rikolisuuesta ja rikosestävästä työstä.

Brå tuottaa julkista kriminaalistatistiikkaa, yytvärteeraa reformia, tekkee tutkimusta ette ottaa esile uutta tietoa ja antaa tukea paikaliselle rikosestävälle työle.

Brå tekkee töitä Ruottin hallituksen tehtävännä ja useasti yhtheistyössä muitten virastoitten ja organisasuunitten kansa. Brå:n koheryhmät oon olletikki hallitus, oikeuslaitoksen virastot ja rikosestävät aktöörit, mutta kansa ylheisö.

Halvaaks ilmottaa rikoksen?

Ilmota rikos niin hoppua ko maholista. Varhainen rikosilmotus helpottaa toistuksen varmistamista ja toistajaietoja.

Hätätilantheessa

Soita 112 jos sie olet joutunu rikoksen kohtheeksi elikkä olet toistaja käynissäolevalle rikokselle, niinku rattijuoppoukselle, varkhauelle elikkä pahoinpitelylle.

Ko se ei ole hätätilane

Soita 114 14 elikkä käy polisiasemalla.